O circuíto mariñán, organizado polo Progreso e Championchipnorte, disputou este domingo a última proba, a IX Carreira Popular Val dás Fabas.

Os dous grandes protagonistas do Tour Mariña subíronse todo o máis alto do podio no circuíto mariñán. Simón González Río e Carla Trillo proclamáronse gañadores absolutos do circuíto promovido polo Grupo O Progreso e Championchipnorte tras a última proba: a Carreira Val de Fabas, organizada polo Concello laurentino xunto coa firma Decathlon Ribadeo.

González Río xa tiña no seu peto o título absoluto e non perdeu a ocasión de gañar este domingo a súa oitava proba das once das que constaba o Tour Mariña. Nas outras dúas competicións nas que tomou a saída asinou un segundo e un terceiro lugar. Co primeiro posto en Lourenzá, o atleta sumou 519,71 puntos por 570,76 de David Martínez Rodil (A Trapela), quen foi segundo, e Jesús Gabino Soto Gómez (Club Lourenzá), que acabou terceiro con 580,46.

En canto á clasificación de mulleres absoluta, Carla Trillo confirmouse como a máis regular e, aínda que non logrou ningunha vitoria, só baixouse do podium na Popular Benquerencia Terra Mar, onde foi cuarta. Trillo, quen foi segunda este domingo, sumou 713,04 puntos por 825,43 da subcampioa Ana Belén González Margaride (Fluvial Monte Segade). Karina Pasarín Mon (Rábade Corre) foi terceira con 873,91 puntos.

En canto á undécima e última competición, a IX Carreira Popular Val de Fabas, acabou no palmarés de Simón González, quen correu os 6.310 metros en 20 minutos e 19 segundos. O campión do Tour Mariña superou en 25 segundos ao segundo corredor en cruzar a liña de meta, Daniel Trigo González. A batalla polo bronce foi o máis atractivo da categoría masculina. Nunha loita que non se resolveu ata a "foto finish", foi José Luis Valiña Méndez o que llo puxo ao cuello firmando o mesmo crono (21.59) que Martín Pardiñas Díaz ( Fabas Bravas Asturgalaicas).

En mulleres, a mellor de todas as mulleres que tomaron a saída este domingo na Praza Conde Santo de Lourenzá foi Zelin Spencer Conceiçao ( As Supernenas), quen logrou facer os máis de seis quilómetros do percorrido en 25 minutos e 8 segundos. A 27 segundos entrou a campioa do Tour Mariña, Carla Trillo Fernández ( As Supernenas), quen conseguiu o seu quinto segundo posto do circuíto —o quinto do últimas seis probas—, confirmando o seu bo facer a pesar de non subirse todo o máis alto do podium. O bronce foi para o palmarés de Marta Valín Sández, quen quedou a 11 segundos da prata cun tempo de 25.46.